نركز مع بعض شويه ياشباب

نركز مع بعض شويه ياشباب

النهارده ليلة ٢٠ إن شاء الله .... يعني كل اللي فات حاجه وكل اللي جاي حاجه تانيه خالص.

هتكلم في شوية نقاط مُختصره سريعه مُحدّده

١- ليلة القدر إتسمّت كده لإنها تُقدّر فيها مقادير العباد السنويه

مثال ...
إذا كتب الله لك قدر سيء للسنة القادمة
(وفاة ابن _ فشل في زواج ..فشكلة خطوبه...حادثه سياره ..الخ).. وصرت تدعو بإخلا‌ص في ليلة القدر
'بالتوفيق والسعادة والعافية والنجاه ...فإن الله -عز وجل- يأمر الملائكة أن يمسحوا الصحيفة التي كتب فيها الشقاء ويكتبون لك ما طلبت ( يَمحُوا اللهُ مَا يشاء ويُثبِت وَعِندَهُ أُمُّ الكِتاب )

2 - ليلة القدر بعبادة ٨٤ سنه ...الساعه في ليلة القدر ب ٨ سنين عباده.. والدقيقه ب ٥٠ يوم عباده فأين المُشمّرون ؟

3- مفيش أي دليل شرعي ثابث صحيح عن النبي صلي الله عليه وسلم ... ولا احد من الصحابه ... ولا سلف الامه ... يُجزم إن ليلة القدر ليله ٢٧ ....... كل اللي انت بتسمعه ده عباره عن إجتهادات من بعض العلماء بدون دليل ... والأثر الوارد عن الصحابيّ أُبيّ ابن كعب رضي الله عنه إن ليلة ٢٧ هيا ليلة القدر كان المقصود من كلامه إنها كانت ليلة ٢٧ لتلك السنه وليست في كل السنين.

4- معلوم وثابت ومتواتر إن ليلة القدر تتنقّل ... وليست ثابته ... سنه تبقي ٢٥ .. وسنه تبقي ٢٧ .. وسنه تبقي ٢٩ .. وسنه تبقي ٢٣

5- متسخّرش طاقتك ومجهودك في الانشغال بليلة القدر هتكون يوم كام ...ولا تشغل نفسك بعلاماتها ... سخّر جهدك وطاقتك في إنك تشتغل ال ١٠ ليالي دول وكأنهم أخر ١٠ ليالي ليك في الدنيا .... وليلة القدر تطلع زي ما تطلع

6- لو كنت من الناس الل فرّطوا وضيّعوا من أول رمضان ...أو لو مكنتش بدأت أصلاً ... متزعلش وما تيأسش ...لسه عندك فرصه متضيّعهاش... يقول ابن تيمية ( العبرة بكمال النهايات لا بنقص البدايات )

7- دلوقتي جهّز ورقه وقلم واكتب فيها حاجاتك ورغباتك وأمنياتك وأي حاجه شايفه مستحيله .... حاول ما تكتّرش .. خليهم ٤ أو ٥ حاجات علشان تركّز عليهم ... وافضل ادعي بيهم من الليله .. وتحرّي أوقات الإجابه وخصوصا الثلث الاخير من الليل .. وماتدعيش بلسانك ادعي بقلبك وحاول تبكي وانت بتطلب الحاجه ( اختار قدرك بنفسك )

نتعب ياجماعه ... نتعب ياجماعه ... نتعب ياجماعه

يقول ابن الجوزي رحمه الله ( إن الخيل إذا شارفت نهاية المضمار بذلت قصارى جهدها لتفوز بالسباق .. فلا تكن الخيل أفطن منك .. فإنما الأعمال بالخواتيم ..فإنك إذا لم تحسن الاستقبال ..لعلك تحسن الوداع )